班戟館 (Closed)

今晚同S&E响紅橋附近食飯，未食完飯S已經話要食甜品，晏晝佢哋想食而甜品店未開，食完飯再去，好想要食到喎。皇天不負有心人，開咗舖啦門口擺放咗2隻可愛大熊仔。店內有溫馨提示，唔想摸門釘，出門前問清楚先嘞 (FB或WhatsApp)。店子很小，只有3張四人枱，但係裝潢擺設很有特色，食物即點現做需要時間，唔啱速食趕時間嘅人，等待期間影吓相、傾吓謁，欣賞吓小店心思同誠意。甜品嘅名都幾特別，曖昧，係班戟配士多啤梨雪糕、草莓醬、同新鮮士多啤梨。班戟送上嚟時係震騰騰嘅，搖搖擺擺好有動感。未影完相，S&E已急不及待開吃喇空氣感十足，一輪風卷殘雲，迅間吃光光啦。好好味熱戀，班戟配焦糖雪糕、焦糖粒、同埋焦糖啤梨。班戟配焦糖一樣咁好食，焦糖啤梨夠腍又唔會好甜，非常美味！每人需要叫一樣嘢，食唔到3個甜品，就叫咗一杯飲品。下次可以响度食埋嘢先至食甜品離開時，門口已經有幾批人在等位。