Video
Read full review
2021-05-27
44 views
元朗出名好多美食，呢排咁熱最好就食冷麵(●’◡’●)ﾉ呢間小店嘅爆多蟹籽冷麵相信大家都知，佢哋最近仲開咗新店有好多新野食♥︎一於分享下！.爆多蟹籽冷麵$40🧡爆多蟹籽冷麵唔係平時食開細細袋嘅冷麵，而係用外賣飯盒裝住，成盒冷麵面鋪上滿滿蟹籽，超足料，真係名副其實嘅爆多蟹籽。冷麵嘅份量亦唔少，每一啖都食到蟹籽，好滿足！( ˘ ³˘)♥.賽磅蟹杯麵$30💛呢個杯裝撈麵醬汁用咗蠔油+蒜蓉，味道比蟹籽冷麵會濃啲，配料都幾豐富，除咗有賽磅蟹及蟹柳，入邊仲加咗粟米及西蘭花，所以食落會fresh啲，加埋唔少得嘅蟹籽，口感豐富。.爆辣小食$58+ 袋裝撈麵$12🧡呢個組合啱晒有選擇困難症嘅我，一盒入面可以試到唔同嘅小食，有魚片、大腸、腸仔、牛肚、蟹柳、魷魚、墨丸等等，面又係鋪滿蟹籽，非常豐富。一次過食到咁多款小食，再配埋袋裝蟹籽撈麵，好滿足。| (• ◡•)|.滷水雞翼尖$12💛醃得幾入味又唔會死鹹，幾惹味。爆辣哥斯拉雞翼$12🧡呢個雞翼真係爆辣，唔食得辣嘅朋友（例如我）就唔好試啦！(;´༎ຶٹ༎ຶ`)不過鐘意辣嘅男朋友表示好正㋛.總括而言：呢間小店真係蟹籽迷必試，食物份量唔少，蟹籽又俾得勁慷慨，當正餐食都夠
.
爆多蟹籽冷麵$40🧡
爆多蟹籽冷麵唔係平時食開細細袋嘅冷麵，而係用外賣飯盒裝住，成盒冷麵面鋪上滿滿蟹籽，超足料，真係名副其實嘅爆多蟹籽。冷麵嘅份量亦唔少，每一啖都食到蟹籽，好滿足！( ˘ ³˘)♥
.
賽磅蟹杯麵$30💛
呢個杯裝撈麵醬汁用咗蠔油+蒜蓉，味道比蟹籽冷麵會濃啲，配料都幾豐富，除咗有賽磅蟹及蟹柳，入邊仲加咗粟米及西蘭花，所以食落會fresh啲，加埋唔少得嘅蟹籽，口感豐富。
.
爆辣小食$58+ 袋裝撈麵$12🧡
呢個組合啱晒有選擇困難症嘅我，一盒入面可以試到唔同嘅小食，有魚片、大腸、腸仔、牛肚、蟹柳、魷魚、墨丸等等，面又係鋪滿蟹籽，非常豐富。一次過食到咁多款小食，再配埋袋裝蟹籽撈麵，好滿足。| (• ◡•)|
.
滷水雞翼尖$12💛
醃得幾入味又唔會死鹹，幾惹味。
爆辣哥斯拉雞翼$12🧡
呢個雞翼真係爆辣，唔食得辣嘅朋友（例如我）就唔好試啦！(;´༎ຶٹ༎ຶ`)
不過鐘意辣嘅男朋友表示好正㋛
.
總括而言：呢間小店真係蟹籽迷必試，食物份量唔少，蟹籽又俾得勁慷慨，當正餐食都夠飽。佢地嘅招牌爆辣有唔辣同6種辣度，我唔食得辣所以基本上都係揀咗唔辣，其他鍾意食辣嘅朋友可以挑戰下！
Post
