御前大江戶日式料理 (Closed)

平時食放題多數去旺角呢D區，今次就係去呢間觀塘既御前大江戶，早早就係電視見過有關佢既訪問，黎到都大排長龍，好彩一早訂左位，唔洗等咁耐！呢到有好多都有別於出面既放題，除左外面有自助Bar外，連呢到都有雀巢甜筒食，還有專放雪米滋既櫃，亦見有乳酪既踪影。呢到亦有提供熱飲，相當貼心，好似我朋友剛好不適無法飲凍飲既時候，熱飲出現得剛剛好！甜品亦超多款，就榴連雪米滋亦有，而迷倒一眾榴槤迷，而甘脆朱古力非常香濃的朱古力，保持脆度，好吃！其實都是放題一般兼有的，水準不錯。另外呢到亦有媽媽味道的薑汁蕃薯糖水，來一碗蕃薯糖水，蕃薯煮得夠軟，糖水不會過甜，好吃。亦有其實熟食如菜類，不過當心填滿了肚子無法吃其他精彩食物，所以冇拎太多御前大江戶亦有磯燒玩，磯燒係自己燒，有蟶子、鮑魚、貝類等等，更有蟹味噌甲羅燒，海鮮新鮮美味，燒完後鮮味無窮，不過再加點就要加錢，所以我地試過一次就好海膽手卷既海膽都好正，海膽香甜，手卷大小亦剛好，飯量唔會太多，亦不需要擔心吃太多會飽至於其他如炸物燒物一律水準不錯，難怪黎到當晚幾乎爆座，人頭湧湧