Tivoli 意大利餐廳

Open Now

Now Closed

餐廳居於佐敦與尖沙咀之間交界，傳統港式意大利餐廳，門口望見焗pizza嘅位置，氣氛幾好，環境寬敞，坐嘅位置舒服！入座時候會燃點枱上紅色的蠟燭，真係嘅燭光晚餐🤣好有feel! 試咗招牌牛柳餐，一開始就有牛油+餐包🧈🍞今日餐湯係薯仔洋蔥忌廉湯，滿滿嘅洋蔥，加少少嘅煙肉，都幾大碗添㗎！牛柳嗌咗4成熟，但出到嚟全熟咁滯，好彩嗰肉質好嫩，好吃！可能因為薄身難控制熟度，但味道都好滿意，配上真係有粒粒嘅蘑菇汁👍🏻份量每份都有成3塊，好夠飽！主食方面有薯菜、意粉、飯可以選擇，我哋揀咗意粉同薯菜！薯菜就係薯蓉，反而意粉有驚喜，煮到好有彈性，真心欣賞！每碟都會配上蕃茄+紫椰菜，兩樣都夠甜！最後，送上餐茶☕️‼️注意‼️7點半前買單原來有早鳥優惠每位$118再加一！