日夜餐廳 (Closed)

行過見到呢間新餐廳，幾開揚，環境唔錯。再見到呢個法式焗乳鴿，28蚊就有一隻，一於試下先。點知見到隻乳鴿有啲被嚇親好似營養不良咁幫佢黑白製作，感覺更悲慘，似皮包骨零脂肪，肌肉量不足。我真係唔知食左咩落肚有個唔知乜醬汁比你醮，但點睇都唔係法式醬汁羅叫野飲，有蛋糕送。三件超迷你蛋糕仔，不過不失啦。我認我有港女格，可否唔好用茶記隻杯，盛戴價值三十幾蚊杯既咖啡，令到成杯咖啡cheap晒😣😣🙈🙈而呢杯所謂玫瑰咖啡，一啲玫瑰花香味都冇，反而有蜜糖味太甜了，咖啡我愛苦味多一點的。唉！真係好失望現金卷比我都冇用，我唔會再行入黎食！仲有，order左食物，唔知點解要等45分鐘先有得食。完全漏左我張單，追單追到我火滾。經理話新人多，所以出錯漏。但餐廳整體表現真係欠俸，服務和食物都待改善。作為消費者，有得揀，我會揀第二間食羅。