幸福鳥 (K11購物藝術館)

Open Now

Now Closed

好開心可以坐Bar檯，睇住d師傅們喺度努力燒呀燒，好開心。我地一行二人，試了BB豬、燒牛脷、燒魷魚筒、戲院乾魷魚、鰻魚、燒飯團，如果要排次序，我覺得鰻魚最好食，之後係BB豬，排第三嘅係燒魷魚筒，跟住係燒飯團，然後就係燒牛脷同埋戲院魷魚。其實BB豬同鰻魚都真係好好味，不過覺得鰻魚燒得d皮好乾身，脆口，而且舊鰻魚好肥美，所以睇高一線；BB豬其實都唔差，肉汁香，皮又好食，不過可能d人話係No 1必食，所以太有期望反而有少少失望；燒魷魚筒其實好考功夫，燒過龍會燶，尤其是魷魚鬚d尖，如果燒得唔夠火候，就會好難食，呢度就燒得啱啱好，邊脆內軟；飯團有兩種，我地就揀咗燒嗰種，個面燒到乾身兼有少少飯焦，好味；燒牛脷夠厚身，無渣，似乎都係靚料，唔錯，只係無前面嗰d咁精彩；最後就係戲院魷魚，個人覺得有d硬，而且唔算好香，所以感覺差少少。