一間之前就被朋友推薦嘅韓式燒肉餐廳，今日終於有機會過黎開餐😄今次我地一共叫左韓式燒鰻魚(4件)($148)、熟成西班牙黑毛豬梅頭肉($108)、韓式醬汁牛五花($68)、生菜($20)、大醬豆腐牛肉湯($118)、麻油紫菜飯($28)、爆打香水檸檬茶700ml($48)
環境裝修幾有氣氛，空間感都唔錯😃
先送上泡菜、醃蘿蔔、芽菜、醃青瓜，一共有四款前菜可以開一開胃😉
先用肥膏燒一燒黎開爐，咁就一陣燒肉時，冇咁易癡底同帶點油香👍🏻
食物陸續送齊，好豐富🤩
韓式燒鰻魚(4件)：按照職員建議嘅燒烤時間，用埋TIMER計時，咁就可以燒出皮脆肉嫩，帶點微微焦香嘅燒鰻魚片🤤配埋韓式燒鰻醬汁，味道濃郁又唔膩，食完一塊仲想再食，呢個真係極力推薦，必食🥰
熟成西班牙黑毛豬梅頭肉：經過熟成處理，豬肉嘅風味更加豐富，口感鮮嫩多汁，每一口都可以感受到肉質嘅彈性同豐富嘅油香😋
韓式醬汁牛五花：燒肉中嘅經典，本身已經經過調味，醬汁香甜，牛五花夠薄身，肉質肥美，燒烤後肉汁四溢，入口即化😋
生菜：燒肉配生菜，真係絕配，生菜新鮮脆口，配埋燒肉一齊食，唔單止可以平衡口感，仲可以增添清新感，唔會覺得太油膩😄
大醬豆腐牛肉湯：一道充滿韓式風味嘅湯品，牛肉鮮嫩，豆腐滑溜，非常足料，湯頭濃郁加上大醬獨特嘅風味，甜甜地辣辣地幾惹味😁
麻油紫菜飯：雖然簡單但唔失美味，麻油嘅香氣撲鼻，紫菜嘅鮮味加上飯粒嘅軟糯，真係絕配，作為燒肉嘅配菜再適合不過😉
爆打香水檸檬茶：清爽嘅檸檬茶帶嚟清新嘅香氣，而且夠冰凍，飲落去即刻解渴，燒肉之後嚟一杯，真係一絕👍🏻
呢到每一道菜都充滿水準，無論係食材選擇定係味道搭配，都令人滿意，值得再次ENCORE😍
18
61
補MENU
