Video
Read full review
2016-12-06
1182 views
有朋友講左好多次話想食雞翼放題，book左幾個月終於book到有得食，即管睇下有咩咁巴閉我地book左食下午4點個場，$118任食個半鐘，為免遲開餐我地好準時3點50分已經到樓下。先講下地點先，間野係近荔枝角地鐵站，大約行5分鐘左右，附近都係工廠大廈多，我地一早facebook問定曬點去，所以基本上搵位無難度。大廠外形，lift呀各方面都不過不失啦，唔靚，但算企理可接受上到去，已經有人龍排緊，原來要清曬上一場先可以入我地呢埸，加上佢又要逐台客入，所以我地都遲左大約10分鐘先坐得低。之前睇到有食評話唔夠時間食，我地本身都擔心驚蝕底，但最後餐廳都算均爭，入座起計都真係比足1.5小時我地食，我地覺得時間都算充足。好喇，入正題喇，一坐低每人有一隻碟&碗去食出面個沙律bar，無得無限供應餐具，呢方面我地都覺得真係有少少唔方便。不過算啦，主力都係食雞翼姐~本身睇左食評都對沙律巴無乜期望，但估唔到D菜都幾新鮮wor，雖然選擇唔多。值得一讚係個湯，好好飲，唔係講笑，好似酒店水準咁，超正！但我驚飲飽個肚，所以忍住無refill待應好快手就怜左個全餐黎，嘩~~好多款呀~~拿，利申先，我自己就真係麻麻地雞翼
我地book左食下午4點個場，$118任食個半鐘，為免遲開餐我地好準時3點50分已經到樓下。先講下地點先，間野係近荔枝角地鐵站，大約行5分鐘左右，附近都係工廠大廈多，我地一早facebook問定曬點去，所以基本上搵位無難度。大廠外形，lift呀各方面都不過不失啦，唔靚，但算企理可接受
上到去，已經有人龍排緊，原來要清曬上一場先可以入我地呢埸，加上佢又要逐台客入，所以我地都遲左大約10分鐘先坐得低。之前睇到有食評話唔夠時間食，我地本身都擔心驚蝕底，但最後餐廳都算均爭，入座起計都真係比足1.5小時我地食，我地覺得時間都算充足。好喇，入正題喇，一坐低每人有一隻碟&碗去食出面個沙律bar，無得無限供應餐具，呢方面我地都覺得真係有少少唔方便。不過算啦，主力都係食雞翼姐~
本身睇左食評都對沙律巴無乜期望，但估唔到D菜都幾新鮮wor，雖然選擇唔多。值得一讚係個湯，好好飲，唔係講笑，好似酒店水準咁，超正！但我驚飲飽個肚，所以忍住無refill待應好快手就怜左個全餐黎，嘩~~好多款呀~~拿，利申先，我自己就真係麻麻地雞翼，不過我都覺得有驚喜。首選：泰式、口水、韓式、花雕！泰式個醬好特別，食得出佢D醬汁係自家特製，有誠意！口水辣得過癮。其它味我就一般姐，最唔鐘意麥脆，完全無再encore 我本身好驚佢D雞肉會鞋十十，因我食肉最憎鞋口。但整體都唔錯，無雪味，有肉汁，唔鞋，似係新鮮炸的~~比幾張未食前既靚相大家睇，開左餐之後我地係食到極度"lei hea"，手口並用，毫無儀態，已經無機會再影相
食完全餐，可以無限再落單。有個小插曲分享，見到有網友話無筆用搞到落唔到單，我地緊係唔執書帶定幾枝筆去廢事蝕底啦~~不過最後都用唔著，唔知係咪老闆比人投訴完改善左，我地發現出面沙律巴放左一堆筆係度
好喇，食限時任食最緊張咩呢，就緊係出野食快唔快啦！我想講，係極之非常快，所以完全唔使驚會唔夠時間食，差在你有無咁大個胃~~~我地個半鐘頭加左3,4次單，每次都好快有，亦都無之前網友話被cut單的問題，次次都出足數量比我地。佢聲稱食剩要罰錢，所以我地真係食幾多先叫幾多。其實老老實實，我個人去親任食都好怕D人浪費，又唔係無得比你食，何苦叫到一天一地食唔曬又要倒呢，好折墮呢好啦，埋單$118 + $20任飲 再加一，我地一行人都覺得呢個價錢+呢個環境+呢個食物質素，我地都係滿意的~~雖然我地唔浪費食物，但我地平均每人都食左30隻雞翼呀~~哈哈哈~~咁食法~絕對抵食回到本~~~不過呢，短期內應該唔會再食雞翼放題了，咁食法，再好食都有D怕怕~~~反而遲下可能會上去試食lunch，偷睇到佢lunch menu 都有D興趣，食完再番黎報告啦~
Post
