Wingman (船街) (Closed)

燒雞翼，我鍾意食！每次講起都會即刻想食返幾隻雞翼， 雞翼嘅受歡迎程度超乎想像，無論係小朋友或大人，對雞翼都有一種難以抗拒嘅感覺。雞翼做法、款式多，例如蒜蓉、蜜糖、可樂、牛油、豉油、孜然、土匪⋯⋯真係多到眼花繚亂！但係屋企又點可以一次整咁多口味呢，所以今晚決定去Wingman一齊叫雞!佢哋嘅雞翼分乾身同濕身，選擇多之餘仲要係特別口味，咖啡香味、新加坡辣蟹味、死神醬⋯⋯選擇困難症嘅朋友要做定心理準備啦最後我哋嗌左個拼盤餐 Netflix & Chill ，包三款味道嘅雞翼（可選三種味道），再加一個配菜 $268 黑椒檸檬，唔好以為平平無奇，有酸酸嘅檸檬味，好香口好開胃。Tandoori Spice 印度唐杜里烤雞味，配上Mint Yogurt 汁，好香印度香料味。星加坡辣蟹味，呢個夠惹味，忍唔住食多幾隻！配菜要咗個自家製椰菜花沙律，新鮮嘅椰菜花切薄片用嚟做沙律，好爽口又夠清新！