小欖燒烤樂園 (Closed)

秋風起，一家大細去燒烤係一個最好嘅週末活動！之前都已經嚟過屯門嘅小欖燒烤樂園，覺得好食又抵食，今個星期日我哋再來encore！燒烤場做緊萬聖節主題成人$150，小童或長者$120，任玩任食全日，非常之抵！原來燒烤場久唔久都會有新嘅食物，今次就有燒汁金沙骨同芥辣叉燒粒，很有誠意！入場就附送一包蜆，食落都尚算新鮮美味！場內有個大型氣墊樂園，小朋友一定好開心！又有麻雀枱租，大人都唔怕悶。食物種類非常之多，有基本嘅腸仔、牛扒、雞扒、豬頸肉、雞翼及雜丸等等，而我最鍾意食嘅雞翼都有四種唔同嘅口味有埋個網一次過燒就非常之方便！