泰豪燒 (Closed)

店舖少少，食物味道非常之好，我比較鍾意食串燒，所以好多店舖都試過，呢間串燒可以encore，值得推薦，因為味道不錯，出邊好少串燒會整得咁好味，應該話咁入味，出邊嘅會淡，冇乜味道，但佢哋燒出嚟嘅味道好好，可以食不停，呢個值得稱讚，我就叫咗雞軟骨，尖椒，花枝丸，燒雞翼，一口牛，鮮蝦，原條翠玉瓜，辣椒粉絲炒蜆，平時出面嘅翠玉瓜只會切兩至三片為一串燒俾你食，但呢度嘅翠玉瓜係會原條俾你，而且仲燒得好好味，好juicy，雞軟骨同埋燒雞翼係非常之咁好味，雞翼皮脆肉嫩滑，尖椒好夠辣，鮮蝦好新鮮，二辣椒粉絲炒蜆，炒得好有鑊氣，d蜆好多，但略嫌細隻左d，粉絲份量都夠，辣辣地幾惹味，整體來講呢間串燒店值得推介，下次嚟我一定要試吓佢哋個砂鍋粥，因為見到隔離枱食得津津有味，好吸引。