燒蝦蝦 (興泰大廈) (Closed)

作為屯門人，開左燒蝦蝦，禁有趣既鋪頭，唔會唔試！一坐低會有份龍蝦、白鱔、牛肉拼盤，三樣都係要比錢先有得追加既食物。白鱔燒完賣相非常吸引，估唔到自己第一次就燒到同日式料理店咁令。龍蝦自然係好新鮮，有膏，蝦肉都非常彈牙。座位旁邊有一排魚缸，裡面就養住d生蝦，夾起之後記得要用冰桶凍暈d蝦再燒，如果唔係就一定會有一陣尖叫聲。自己夾起黎燒既蝦肉自然好新鮮彈牙，但要記得睇火，時不時翻面，禁樣就唔會燒到個殼燶哂。 出面海鮮區係每次出去都有驚喜，因為員工係不停補貨期間會加一d新野，就禁食成晚都唔會悶啦。熟食區有唔同既蝦料理，炸物，冷盤等，飲品區更加有AL代言SOH飲，未試過既呢個係好機會試下。價錢上拍得住酒店自助餐，體驗上係新奇既，兩個半鐘都絕對夠哂，唯一美中不足係張台細左d，如果兩個人去安排到卡位就最好了。