刺身新鮮好味，d甜蝦好大隻！！
真係要讚，壽司細細件，好味又唔會食完之後咩都食到唔到！左口魚裙邊好好食，出面食要成十幾蚊舊架！
蟹粥：雖然食蟹粥好似唔太抵，但其實個蟹粥幾好食，入面仲好多蟹
芝麻雞翼，好好味又香口，encore左幾次！！
又係雞翼，呢款係燒雞翼，都好食！（不過我個人都係鐘意芝麻雞翼
）
魚干都好好食，可惜我無飲酒，唔係拎來佐酒一流！
特別鐘意大喜屋燒菠蘿，菠蘿非常新鮮香甜，大大件，我一口氣食左5/6件，食到停唔到口
正
最尾食左個milk top 沖繩海鹽味雪糕，又係好好味！！出面買起碼廿幾三十幾蚊啦！！雖然只可要一份，但係已經食左好多野，飽哂！大滿足！
