上週日同男友同佢媽媽去咗太古「越大俠」食晚餐，三個人吹住水等位都幾快👌。餐廳裝修簡約，木枱木凳，燈光偏黃幾溫馨，枱與枱之間唔算逼，聽到少少越南音樂嘅背景聲，幾啱傾計唔洗嗌交🗣️。
冬陰功海鮮湯(小）💛💛💛💛
酸辣度啱啱好，椰奶香幾出，湯底唔會水汪汪。有蝦、青口同魷魚，蝦肉爽口，但青口細隻咗少少。飲完個胃暖笠笠，幾開胃🍲。
小食拼盤 💛💛💛
有春卷、扎肉、雞翼同蝦餅，炸得脆身但唔油膩。蝦餅彈牙，扎肉普通，雞翼醃得入味，不過春卷餡料偏少，蘸魚露食穩陣之選🍢。
燒菠蘿 💛💛💛💛💛
全晚MVP！菠蘿燒到微焦，甜到爆燈，多汁到滴落枱🔥。面頭撒咗少少香茅粉，味道層次即刻提升，食完想encore🍍。
芋頭海鮮焗飯 💛💛💛
芋頭粒焗到軟糯，飯底濕潤但唔爛，有蝦同帶子粒，芝士拉絲唔算誇張。味道偏淡，可能落多啲鹽會再好啲🍚。
鮮蝦米紙卷 💛💛💛💛
米紙皮薄透，包住爽脆生菜同大隻鮮蝦，蘸酸辣汁好醒胃。餡料新鮮，不過薄荷葉可以多返少少🌿。
呢餐人均$200左右，性價比唔錯，食物整體穩陣，燒菠蘿真係要試！👨👩👧 三個人食到捧住個肚走，男友媽媽仲話芋頭飯啱佢口味～如果經過太古想食越南嘢，可以放入list📝。
