蝦蝦燒 (Closed)

🦐我同朋友都係海鮮愛好者，今次黎左呢間蝦蝦燒 ，生猛大頭蝦即夾即燒，邊食邊玩食足2.5小時！一入去小店就見到卡位之間嘅流水缸，裡面有好多新鮮海蝦，可以夾蝦入冰桶凍暈佢再燒！鮮甜惹味，仲有唔少膏，真係超正呀！👏🏻限定優惠：入座送每人一串海鰻，燒到外皮焦香，又香十足，好好味！👅除咗海蝦，呢度仲有唔同嘅肉類、多款海鮮，好似扇貝、鮑魚、魷魚、大蜆、凍蠔等海鮮揀！單係食蝦已經回本，一邊食一邊燒，建議可以一次過將10-20隻蝦放入爐中炙燒！如果想貝殼類再惹味啲，可以好似我咁加埋蒜蓉、牛油、辣椒去燒！🌟凍櫃仲有二十幾款燒烤配料可以揀，好似幾款牛肉、牛柳粒、串燒、各式醃肉類、丸類、蔬菜類等，呢度仲有自助區，提供沙律、熟食、炸物、咖喱角、雞翼等等小食任食！🤰飲品櫃有十幾款汽水、啤酒任飲，連韓國真露燒酒都有，即刻飲左幾枝！仲有雪糕、多款甜品任食。今餐真係同朋友捧住個肚走，超級滿足！