和牛燒肉一郎 (荃灣廣場)

Open Now

Now Closed

呢幾年疫情，要堂食既話，我講求係快，因為隨時係你隔離定唔知隔幾多枱，總會聽到有人咳或打乞痴，個心都會離一離，又會諗會唔會傳到過黎架，越快食越早走，中招機會都少啲，所以食燒肉既次數都大大減少，但今次約左一個幾年冇見過既朋友，又想傾耐少少，所以就揀左食呢間燒肉，仲要即日約即日係openrice呢度book，真係好鬼方便。一入去有個自助位置，可以拎調味料、汽水、熱水、沙律、甜品、爆谷同雪糕。汽水種類都算有好多款式有水果茶，但我見到佢咁鮮色，唔敢飲。沙律吧雪糕櫃同甜品櫃另一邊雪糕櫃，款式真係好多。仲有爆谷食添其實初時我仲以為係單點，點知見佢原來有燒肉放題，加上肚餓關係，又唔想諗，就求其揀左個餐。店內環境好寛躺，座位都好舒適，我地正正坐係有速遞既卡位，好正，但真係唔知佢點分，幾時係人手送，幾時係傳輸帶送。由於我太肚餓，我連影相都唔係好記得左，好彩都仲清醒記得影架船。因為掛住傾計，其實一路燒一路食一路傾，自己食左乜都唔知 我最深刻係個牛舌最好食。不過最開心係，可能無乜人等位，店員都冇趕我地走。