和牛燒肉一郎 (寶漢大廈) (Closed)

又食燒肉啦，今次食燒肉一郎嘅放題😍佢有好多個唔同嘅level可以揀，我哋揀咗中間價錢嘅c餐，好多野食，好滿足。首先會有一輪和牛，每人有兩片和牛牛肋肉同和牛里脊肉，兩樣都好好味呀，不過唔係任食，我哋兩個都有啲後悔冇叫高級啲嘅和牛餐😆之後會有條船，有幾款唔同嘅肉同海鮮俾你試咗先，好味就可以再叫。食完和牛食其他牛，就會食得出分別，牛里脊瘦咗啲，牛肋肉相對好啲，另外仲有牛肋條同埋豬同雞。之後就係c餐嘅重點，大判壽喜燒牛里脊肉配流心蛋，大大塊簿身嘅牛肉，燒十零秒就可以將佢卷起，之後放入雞蛋同燒汁入面，一大啖放入口，勁滿足。另外有個碗裝住嘅醃過嘅肉都好嫩好好味😋除咗肉，小食同前菜都有好多選擇，泡菜蘿蔔好好味，和牛漢堡、吉列蠔都好唔錯☺️嘢飲方面仲有好多自家製美人茶。最後記得食甜品，雪條同雪糕🍦都好味。