牛太 (Closed)

去荃灣搵朋友食飯，誤打誤撞見到個大大個牛太廣告，一百分鐘任食燒肉放題，睇落幾okay就諗住去試下。我地去到既時候時間尙早，未有人排隊，如果遲左d就要等一陣。餐廳用tablet點菜，好方便。每個價錢有返相應既肉選擇，就算係最平既套裝都有幾多款食物揀。蔥盛牛舌係我個人最愛，牛舌本身好快就可以燒好，加上有d蔥係面，燒完好惹味，食唔停。牛肋肉都係另一個推薦，比較厚燒完比較有口感，牛肉味十足。除左牛之外都仲有好多小食，韓式泡菜個d，好開胃。值得一提係蕎麥麵，好彈牙，個湯底味道亦都唔錯，可以一試。最後有d甜品都可以燒，紅豆鯛魚燒燒完後外皮脆脆地加埋個紅豆蓉，一流。