燒魂 (Closed)

香港有好多放題店，又有好多烤肉店，但同時可以食兩樣嘅餐廳就好難搵！噚日喺尖沙咀行街，離遠已經見到大大個搶眼招牌，就同朋友試試～一坐低就去拎飲品，選擇唔多，但可以加錢飲酒精類飲品！見到點菜係用紙仔，回憶即刻返晒嚟呀！放題梗係唔少得刺身啦，基本既三文魚同吞拿魚都有！但係泰式生蝦始終都係我最愛～而沙律都有好幾款選擇，追求健康既朋友都叫咗碗菜打底～天婦羅都係放題必點項目之一，試咗個忌廉松葉蟹薯餅同埋必點大蝦天婦羅，熱辣辣又夠晒脆口！主菜當然係各種牛、豬、雞啦！剩係牛都有原味、柚子、蕃茄、壺漬可供選擇，唔同醃料食落都好大分別，而雞肉類就主要係唔同味道嘅雞翼。咁多隻味之中，我同朋友就覺得柚子味係最濃最夠味！最後再叫咗啲熟食，除咗牛油粟米，竟然仲有碗仔翅！碗仔翅仲夠晒足料～上菜速度都快，亦冇店員好勤力幫手收碟，成個環境好啱約朋友嚟吹水～