牛太 (Closed)

好耐冇同老公出街食飯，今日突然間好想食燒肉，老公諗起喺荃灣有一間燒肉放題都幾抵食好多人排隊，所以特登過去荃灣度食飯。佢有三個價錢選擇，分別係＄218 , $288 , $428，咁我哋就揀咗個中間價錢＄288 ,因為我哋都覺得夠食。因為得限時100分鐘，我哋一入到去坐低即刻點牛肉黎食，兩三分鐘其實就已經上菜，速度超快，牛肉好新鮮，我哋兩個最鍾意係牛舌同埋牛脊肉，牛味超重，燒嘅時候記得睇火啊，燒得啱啱好，真係好juicy之後再叫咗幾個韓式配菜，醃蘿蔔夠入味，而且有少許辣味好開胃上網見到好多人叫芝士蛋卷，我自己都要左一份，我將個蛋卷放喺爐到在燒多一陣，就更加熱，會好味點我哋仲點咗海鮮，有魷魚同埋帆立貝，上面仲有牛油架，燒起嚟超香蔬菜呢我哋就淨係點左金菇，值得一讚嘅係金菇上面有蒜蓉，撈埋金菇黎食，好重蒜香味，我哋都encore左兩次最後仲有movenpick雪糕一人一杯，食完真係超級飽三百幾蚊一個其實都真係幾抵食，而且燒肉嘅款式都算多，老公冇介紹錯。