校長燒肉日韓料理 (沙咀道) (Closed)

最近荃灣開咗間新嘅燒肉放題，前幾日就約埋左屋企人一齊去食，我哋約咗7點3去食放題，我哋早左10分鐘到嗰度，點知已經排咗好多人喺度，估唔到都咁多人咁早到。叫得做燒肉放題，主角梗係肉啦。呢度有各式各樣唔同款式嘅肉，有醬汁嘅又有冇加醬汁嘅又有。仲有甜品同埋沙律可以拎。燒肉爐面頭仲放左張隔油紙，可以冇咁易癡底。燒緊嗰個就係咖喱雞翼，雞翼都係比較難燒熟，最後要剪開先燒熟到，但係咖喱味好入味，而且一啲都唔辣。另外出面仲可以攞鍋黎打邊爐，我哋揀咗個壽喜燒湯底，味道會比較甜嘅，出邊亦都可以攞打邊爐嘅嘢食。最後仲有甜品可以拎添，除咗雪糕之外仲可以乳酪同埋甜品。