上洗手間時發現,廚房附近有個水缸養住D海產!!哇,令我對餐廳食物既新鮮度多左好大期望,最後食完亦覺得冇令我失望! 因餐廳燒物比較出名,我們2人冇點太多刺身和壽司。最先上台係焱丸號壽司,被賣相嚇一跳~好大塊海膽呀!!好鮮味。三文魚牛油果油酢漬味道都調得好好,瞬間清晒。
成晚我最鍾意既係南瓜蟹肉甲羅燒同埋活鮑磯燒。兩款菜式我都係第一次食。甲羅燒味好濃好香,濃烈既蟹膏香被南瓜香中和了,令味道唔會"漏"之餘又入口即溶,餘韻帶點蛋香。活鮑磯燒鮑魚大大隻,睇住佢由生燒到熟確實有點點殘忍,但味道確實一流!!一入口首先係濃濃既炭燒香,然後嚐到鮑魚既鮮甜,口感和香味同平時食蒸或煮大不同!
不得不提餐廳服務幾好,每款菜式都由侍應燒至剛剛好上菜。冇一款有over cook或under cook既情況出現,值得一讚。
2個人食左$1300蚊。消費算高但性價比都好高~我會再來
