火山燒 (Closed)

夜晚在銅鑼灣行街，聽聞有間以火山石作為燃料嘅日式燒烤餐廳，聞名不如見面，於是與友人上去見識見識。入面都幾骨緻，一眼望得晒成間鋪，但每個角落都放左擺置，再加上播放住日本民謠，唔單止令整個氣氛非常日本，連用餐者既心情都隨住歌者唱出民謠既速度而加快!呢間食肆係半自助式，先係張仔上點你想食既食物，等侍應收左張紙仔再交比廚房，廚房就會將你落過既野食，一碟碟奉上黎，就好似咁：由於聽侍應講一開始可能有排先燒到野食，於是叫左冷麵食住等：蒜油冷麵因為非常肚餓關係，而且份量唔算多，所以幾啖就食晒。不過作為前菜佢，不但份量少得足夠，而且味道幾酸好醒胃，好合適想食餐勁但一開始飽飽滯滯既人，前提係你接受到酸野食。我諗呢到出名既原因唔單止因為以火山石作燃料，更加係因為呢樣野：佢地真係大得幾誇張 我自己淨係對帆立貝同鮑魚有興趣。燒完之後縮左水，但可能因為用火山石慢燒既關係，令到佢既水份慢慢蒸發，但你發現咁上下，就即刻攞上黎品嚐。雖然佢枱上面有三種醬汁，但係食海鮮無非都係食佢種鮮味，於是我就咁加左少少鹽調下味就算。味道就唔錯，少少咸味散發著鮮味，不過口感差啲，可能差個大師級既燒烤師傅。