和匠日式燒肉店

Open Now

Now Closed

由於好耐無燒過野食，加上準備開始轉冷，所以今次同朋友食飯就黎試試上次經過嘅燒肉店試試。呢間燒肉店地理位置唔算十分明顯，岩岩比名校女拔擋住，可能就係因為咁，所以先有性價比咁高嘅燒肉食。由於係第一次食呢間燒肉店，所以點食物嘅時候就問一下店員有什麼好推介，店員就介紹左以下呢幾款食物比我地：胡麻沙律：不過不失，可能我食開嘅沙律比較大，總覺得呢個沙律有點兒小。磯煮鮑魚：好有咬口，而且好好味，作為小吃不錯。大虎蝦：蝦肉好彈牙，食落去係名副其實嘅食蝦有蝦味。Prime 牛小排、Prime 牛角切：如果燒得好，其實食落去分別不大，但如果燒得唔好，分別就大啦，牛小排比較容易燒得乾身，會無晒肉汁；而牛角切就無呢個問題，襟燒好多。鹽燒豚腩肉：由於豬肉要燒得比較耐，所以就會燒到十分脆口，就好似豬肉乾同乳豬嘅混合品，勁正。海膽炒飯：飯上一大片海膽固然吸晴，但海膽除左睇得出之外，仲有睇唔到果D 已經連埋飯一齊炒，所以每一口飯都充滿著海膽嘅味道。蒲燒鰻魚飯：值得一讚係表面嘅飯有淡淡嘅薑味，如果連其他飯都有埋薑味就好啦。