串串燒 by Season (Closed)

呢期興食串燒，同一班朋友食住串燒把酒言歡，都幾享受㗎！今晚又同閨蜜去食串燒啦！今次揀左地點方便的旺角串串燒，環境都闊落，有限眾令都唔怕，入店店員會為你量度體溫，令人安心。串串燒的串燒選擇剛剛好，不會太多不會過少，牛豬羊雞海鮮蔬菜酒類乜都有，就連生蠔都有，$9隻好抵。我地兩個人叫左十零串串燒，都食到好飽，有d份量都幾多幾抵食架。例如孜然蒜蓉茄子、炸吉列蠔、炸雞翼、炸雞軟骨都係大食夾抵食之選。其中我最喜歡孜然蒜蓉茄子，茄子大大件不用講，加埋香濃的蒜蓉孜然粉等香料，真係好香好好味呀！我同朋友都食唔停口！另外我推介佢地的燒羊柳、燒金菇牛肉卷、燒生蝦、燒元貝（芝士同蒜蓉都好食）、燒雞泡魚乾。羊柳好香無羶味，金菇牛肉卷燒得香，燒生蝦細細隻但啖啖肉，燒元貝大大粒，燒雞泡魚乾好香脆。今餐真係飲飽食醉啦！