粗店燒烤 (Closed)

同阿女去旺角整指甲，行過豉油街，見到開咗粗店燒烤，阿女話肚餓不如入去試吓！店內裝潢簡潔，入到去睇到每檯在吊住一袋野，原來係紙巾。人座後侍應會點一個明火爐放燒好的食物，以保持溫暖熱度，另外還上咗兩款燒烤調味粉，有辣有唔辣。烤茄子，呢個茄子除咗本身調味外，還加入菜脯粒增加口感。烤生蠔，生蠔脹卜卜好新鮮，熟度啱啱好，味道鮮甜帶蒜香味。雞中翼皮脆肉嫩，重好入味。烤菠蘿香甜多汁。海中蝦，海蝦新鮮，味道鮮甜彈牙。炸饅頭，熱辣辣的炸饅頭外脆內軟，配煉奶味道甜美。