Video
Read full review
2017-11-04
109 views
一到秋天就想燒嘢食依間韓燒位係旺角鬧市，地點好適合四面八方既朋友係旺角聚一聚。店鋪裝修都好有韓國風格，唔同於其他韓燒店好像放題式裝修，所以係環境上我覺得需要讚一讚👍講食嘢，環境好唔好都係次要，嘢食先係重點。 前菜有3道，唔洗自己拎，一坐低就有人送到。大家可能會見到張相有4碟嘢，其實白色個舊係蘿蔔，唔係拎黎食，而係俾我燒左一排後，鍋可能會累積左殘渣，用黎清潔下鍋繼續燒嘢食。雖然主要係燒嘢食，但係都會有一些小食可以選擇。叫左兩款炸雞同炸魷魚，都係新鮮炸出黎，所以食之前要小心，真係好熱。炸雞可以有唔同辣度，要幾辣你自己鍾意。味道相當唔差，同一D出名既炸雞可以比一比。依間店既特色就係可以燒海鮮，有蠔，蝦，帶子，扇貝等等。我叫依幾款都好易熟，唔洗驚有排燒，特別係帶子。燒個陣要留意帶子，得閒就反一反佢。反多2次就食得，超快。鍾意食海鮮既朋友就要叫多幾次啦。其實呢，我隔離檯既女人好食得，淨係蝦我唸都有20幾隻🤣所以話識燒緊係燒海鮮。講到肉類，雖然都有好多選擇，不過講到最適合同生菜包住黎食，係豬腩肉先係最夾。睇落係肥左少少，但係包住生菜食，唔會覺得好膩，反而好少少豬油香先至好味。食到最後，食條
依間韓燒位係旺角鬧市，地點好適合四面八方既朋友係旺角聚一聚。店鋪裝修都好有韓國風格，唔同於其他韓燒店好像放題式裝修，所以係環境上我覺得需要讚一讚👍
講食嘢，環境好唔好都係次要，嘢食先係重點。

前菜有3道，唔洗自己拎，一坐低就有人送到。大家可能會見到張相有4碟嘢，其實白色個舊係蘿蔔，唔係拎黎食，而係俾我燒左一排後，鍋可能會累積左殘渣，用黎清潔下鍋繼續燒嘢食。

雖然主要係燒嘢食，但係都會有一些小食可以選擇。叫左兩款炸雞同炸魷魚，都係新鮮炸出黎，所以食之前要小心，真係好熱。炸雞可以有唔同辣度，要幾辣你自己鍾意。味道相當唔差，同一D出名既炸雞可以比一比。

依間店既特色就係可以燒海鮮，有蠔，蝦，帶子，扇貝等等。我叫依幾款都好易熟，唔洗驚有排燒，特別係帶子。燒個陣要留意帶子，得閒就反一反佢。反多2次就食得，超快。鍾意食海鮮既朋友就要叫多幾次啦。其實呢，我隔離檯既女人好食得，淨係蝦我唸都有20幾隻🤣所以話識燒緊係燒海鮮。

講到肉類，雖然都有好多選擇，不過講到最適合同生菜包住黎食，係豬腩肉先係最夾。睇落係肥左少少，但係包住生菜食，唔會覺得好膩，反而好少少豬油香先至好味。
食到最後，食條雪條先走。其實如果唔係每人只限一條，我想食多幾條😂
Post
