Video
Read full review
2014-03-25
787 views
好久沒回到長沙灣，上星期係長沙灣室內運動場打完波，係 Openrice 見到長沙灣有間叫許願樹專食串沖燒，個價又唔貴決定一試。去到睇門面真係好係好細，仲好似成間舖都係用黎做廚房，仲以為要係門口企係度食，燒緊野食個哥仔指指旁邊原來有間舖專比人坐，入到去全部方台，坐得都叫舒服啦。大部分串燒個價都係 10 -18 左右，所以一行 6 人都叫左好多野食。其中包括茄子、炭燒雞扒、栗米、秋刀魚、安格斯牛扒、燒燒賣，最後加左個落單個陣個姐姐介紹既燒北寄貝，其他好標準既菜色我就唔寫啦，但絕大部分都已經比我地叫左，而且全部都唔錯，燒得好夠火侯。講返幾樣心水選擇：安格斯牛扒：最初覺得好貴！98 蚊食串燒，但行入去個陣見到佢解凍緊個塊扒決定一下，睇相就知超好食，由於同行有人怕生，所以叫左 5 成熟，但都好好食。完全唔覺得有比野拿過，雖然貴但可說是物超所值。秋刀魚：怕骨都唔怕食之選，中間切開再起骨燒，唔單止易食，而且仲燒得好好味，因為平燒夠均勻，唔似成條燒中間有時會有燒得唔夠乾身個種感覺，我怕骨多平時唔食秋刀魚，但黎呢度就唔怕，我地即時叫多條，因為比我食左半條，哈哈～炭燒雞扒：雞皮燒得好脆，少少辣，雞肉無雪味
安格斯牛扒：最初覺得好貴！98 蚊食串燒，但行入去個陣見到佢解凍緊個塊扒決定一下，睇相就知超好食，由於同行有人怕生，所以叫左 5 成熟，但都好好食。完全唔覺得有比野拿過，雖然貴但可說是物超所值。
秋刀魚：怕骨都唔怕食之選，中間切開再起骨燒，唔單止易食，而且仲燒得好好味，因為平燒夠均勻，唔似成條燒中間有時會有燒得唔夠乾身個種感覺，我怕骨多平時唔食秋刀魚，但黎呢度就唔怕，我地即時叫多條，因為比我食左半條，哈哈～
炭燒雞扒：雞皮燒得好脆，少少辣，雞肉無雪味，比外面食開既雞扒好味。
茄子：可以一絲絲拉出黎食！而且面頭有好多蒜蓉，鐘意食蒜蓉就至開心，但如果你鐘意香口一點，我估要同姐姐講定，叫佢燒耐少少會更好食。
燒北寄貝：時價的非菜單預設選擇，姐姐話呢款唔係成日有，要睇個幾日有無好貨先會推出。不單好大隻，而且燒得好鮮味，不想花大多錢的話，其實三個人分一隻都勉強 OK，我地最後六個人叫左 4 隻，絕對值回票價。
其實都好耐無食串燒食得咁爽，絕大部分就算細舖其實都好貴，雖然許願樹個外表一般，裝修同平時食開個幾間日本菜差好遠，但食物上面明顯用心得多，起碼我食得開心，比錢個陣都幾開心，因為埋單位位都係 $160，如果平時去個裝修好靚既我估無 $250 都出唔到門口，總括而言回頭度 100%。(話說下星期已經約左其他朋友去食，有新發現再介紹比大家~)
Post
