蝦蝦燒

Open Now

Now Closed

朋友食飯有時都會有啲喜好，列如個排食開日式，通告都會食返相類似嘅選擇，而今晚就去了佐敦白加士街哩間專食燒流水蝦嘅餐廳搵食，這裡之前都來過，主打係燒活蝦，隻隻都生猛大隻，充滿蝦膏，除此之外還有自助海鮮吧，上面放滿了扇貝、貴妃蚌、鮑魚、蠔、魷魚、螺、原條劏好嘅魚任君選擇，只要在兩個半小時內你就可以不停燒，個爐火力猛，真係兩三下就食到大滿足，另外店員亦不時為在爐上食物反，避免燒過火，真係夠晒細心😊熟食在出面嘅小食吧都有小量選擇，都會有不同以蝦為題材款式，但個人最心刻就係款醉蝦，超入味同彈牙！這裡一座下店員已經先放鹽燒蝦在爐上，讓你可以慢慢準備其他食物，出面還有不同串燒選擇，個人除了海鮮外，情有獨鍾都係啲台灣腸仔、漢堡扒、紅腸等食物，快熟入味😜，而燒菠蘿都係另一必燒之選，燒完多汁鮮甜，絕對係今晚中和熱氣之選！另一個就係這裡任食海鮮串燒外還有任飲配合，當中啤酒汽水都係無限自取，如果一班人喜歡狂飲，有不同款式，飲多少少都已經返本😊最後還有甜品雪糕雪條選擇，口味選擇都多，總有一款滿足到🥰一個價錢有齊多樣選擇感覺超值！佢還有另一間分店在荃灣，如果想起流水蝦就可以多過選擇了！