聚點廚房 (Closed)

經常到聚點食佢哋嘅燒味飯，每次都覺得又平又抵食仲要好好味， 下午茶38蚊就有雙拼燒味飯， 味道仲唔錯添！ 燒腩仔皮夠脆， 叉燒半肥瘦最好味， 肥瘦適中嘅叉燒，真係食極都唔厭！ 油雞唔係太肥啖啖肉配埋薑蓉送飯一流！ 所有燒味都熱辣辣， 感覺好新鮮， 仲會見到飯嘅下面有汁 ， 所以我每次都可以成個飯食曬。兩個下午茶餐total都只是79蚊， 係一間性價比非常之高嘅茶餐廳！同埋我去過好多次聚點，佢哋嘅店員服務態度好好， 茶餐廳黎講坐得都算舒服。