好多人都係度等外賣，望一望原來一盒單或雙併飯都係$22，真係好抵!
呢間燒味店非常乾淨，燈火通明，裝修比較新式，隻隻掛出黎既燒味都好有光澤，一洗傳統燒味店既感覺。
攤晒出黎，全部斬同擺盤都好靚
客家鹽焗雞 ($59)
新張優惠街坊價，原本全隻雞$110，宜家只係$59，所以二話不說地點左，師傅斬得好好排到兩隻雞脾好靚，雞肉有咸香味而且肉夠嫩滑，真係抵食!
至尊燒鵝上庄 ($110)
份量充足每舊都啖啖肉，外皮都帶點香脆，食落唔會乾。
燒味佬叉燒 ($50)
叉燒厚薄度適中，師傅刀功一流、叉燒表面充滿光澤，咬落唔會硬掘掘。
老師傅燒腩仔 ($64)
燒肉皮燒得夠脆，肉同肥膏嘅比例非常平均，唔會好膩。
食剩左少少第2日再食都好味。
幾鍾意佢所有醬汁都會分開袋唔會倒晒入個盒度，搭車運送都方便D!
