友利冰室 x 勿當奴 (中海日升中心) (Closed)

大概一年幾前，我同朋友都有食過喺荔枝角D2 Place嘅「友利冰室 x 勿當奴」，不過之前都淨係食過佢哋嘅「勿當奴餐」，即係漢堡包同薯條嗰啲～ 見佢最近喺觀塘開咗新分店，所以就決定再去食吓，試吓佢哋嘅燒味先😋•🥢 乳豬卡邦尼意粉 $68卡邦尼意粉上面有3嚿乳豬，全部都好厚肉，又唔會太肥，而且塊皮都好脆，都幾出色😋 不過得3嚿就好似有啲少，有啲唔夠喉！😩卡邦尼意粉入面有煙肉粒同蘑菇片，醬汁係好creamy嗰種，但無乜蛋香～ 醬汁份量非常之足夠嘅，但因為好creamy嘅關係，食落都比較膩～ 整體嚟講，乳豬同卡邦尼意粉都好食嘅，但2樣嘢就好分開😂•🥢美國穀飼叉燒炒蛋飯 $58滑蛋真係非常之滑，仲有啲蔥油一齊炒，好惹味😋 加埋豉油汁，撈飯超正🤤～叉燒份量好多，而且一啲都唔嚡👍🏻 而叉燒嘅蜜汁味係有嘅，但唔太均勻😢•🥢 菊花茶 +$8菊花茶係膠樽裝嘅，落單之後喺飲品櫃自取～ 飲落甜度適中，唔會死甜，但菊花味唔算好濃🫢