吉列牛忌廉烏冬專門店 (彌敦道) (Closed)

香港唔係好多地方有得食吉列牛，今次嚟到旺角嘅726大樓17樓～呢間韓國餐廳，出名吉列牛，差唔多枱枱都有叫一個爐嚟燒～首先，order返一份吉列牛定食，除咗有份量都幾多嘅吉列牛，有醬油、類似wasabi忌廉醬，去調配唔同味道嚟食～仲有沙律、昆布湯同埋味素飯～吉列牛切到細細件方便燒，外層淺淺一層酥脆，肉質軟嫩，每面燒幾十秒就食得，睇下自己喜好嘅生熟程度～～好味～食唔停口～另一個主食，叫咗帶子蜆肉蟹籽釜飯，呢個都幾正，材料豐富，大大粒厚肉帶子，加醬汁拌勻蟹籽同蜆肉，啖啖鮮味～叫多一個小食share食，Kobekyu牛油蜜糖單骨雞翼，甜蜜蜜，肉幾嫩口，簡單滋味小食～