道頓堀御好燒專門店 (康怡廣場) (Closed)

等的時候心急如焚，個肚不停咁打鼓，腳仔軟到快倒地…一入去唔想諗太多就揀咗個套餐， 貪佢夠豐富。第一碟嚟咗牛肉，睇的時候唔睇好，燒咗之後都唔睇好，食左之後都係唔睇好，因為真係好差。帶子尚算新鮮啦!以下兩個餅未玩之前覺得好期待，玩完之後，覺得好累，都幾辛苦的，而且冇人燒得咁正。文字燒入面的材料好豐富，味道都唔錯，又香又脆。另外一個加咗炒麵， 隻蛋煎得太熟 ，好老，啲炒麵落咗炒麵醬好味 ，個質地都好彈牙。柚子雪糕有小柚子粒，感覺好清新，綠茶雪糕味道唔會太甜太苦， 一清新一少甜好夾。巨峰提子嗰杯好似有少少藥水味， 另外一杯好苦。原來兩杯都有燒酒，飲飽食醉。