Video
Read full review
2015-01-19
429 views
成日都大家樂好鬼悶啊！去大食代行個圈睇吓有咩好野食先，學記食過、上海野食過、麻辣食過、海南雞食過，今次試曉廚即炒粉麵啦！剛食完 lunch 無耐，叫幾碟炒野 share 食算喇，唔洗四十蚊碟炒野，抵喎。下午茶居然已經有燉湯？梗係要啦！我地幾個都勁鍾意飲中湯架！原盅木瓜雪耳燉雞湯，有無搞錯呀！太離譜喇麻，邊有咁好飲架！超級濃縮，特濃雞湯帶木瓜清香味道，雪耳令到質地又膠又滑，而且索晒味呢，精華所在呀！少男都要補架麻，木瓜雪耳，飲完即刻靚仔左，哈哈。除左雞骨之外，全部送晒落肚，飲完暖笠笠，好滿足，HKD48 邊度搵呀？魚香茄子炆伊麵，最鍾意食伊麵，魚香茄子都係我至愛，雙劍合壁不得了！伊麵嚥韌又彈牙，炒得均勻味道香濃帶微辣，正啊！多點汁多點肉鬆，茄子再棉滑一點，我就更開心喇！貪心的人！鮑汁金菇炆伊麵，伊麵同樣炒得出色，美味無投訴！連埋爽口金菇芽菜雞髀菇一齊食，味道更豐富，嚥韌夾雜爽口，有趣！好味道！福建炒飯，炒功了得，每粒飯都飽滿乾爽又彈彈的，唔會一舊舊，亦唔會濕淋淋，有鑊氣，高質！唯一扣分係蛋香不足，落多一隻蛋啦，衰鬼。配料美味豐富，紅腸、魷魚、菜粒、蝦仁，撈埋炒飯一齊食，大愛！自家辣椒油，
成日都大家樂好鬼悶啊！去大食代行個圈睇吓有咩好野食先，學記食過、上海野食過、麻辣食過、海南雞食過，今次試曉廚即炒粉麵啦！剛食完 lunch 無耐，叫幾碟炒野 share 食算喇，唔洗四十蚊碟炒野，抵喎。下午茶居然已經有燉湯？梗係要啦！我地幾個都勁鍾意飲中湯架！
原盅木瓜雪耳燉雞湯，有無搞錯呀！太離譜喇麻，邊有咁好飲架！超級濃縮，特濃雞湯帶木瓜清香味道，雪耳令到質地又膠又滑，而且索晒味呢，精華所在呀！少男都要補架麻，木瓜雪耳，飲完即刻靚仔左，哈哈。除左雞骨之外，全部送晒落肚，飲完暖笠笠，好滿足，HKD48 邊度搵呀？
魚香茄子炆伊麵，最鍾意食伊麵，魚香茄子都係我至愛，雙劍合壁不得了！伊麵嚥韌又彈牙，炒得均勻味道香濃帶微辣，正啊！多點汁多點肉鬆，茄子再棉滑一點，我就更開心喇！貪心的人！
鮑汁金菇炆伊麵，伊麵同樣炒得出色，美味無投訴！連埋爽口金菇芽菜雞髀菇一齊食，味道更豐富，嚥韌夾雜爽口，有趣！好味道！
福建炒飯，炒功了得，每粒飯都飽滿乾爽又彈彈的，唔會一舊舊，亦唔會濕淋淋，有鑊氣，高質！唯一扣分係蛋香不足，落多一隻蛋啦，衰鬼。配料美味豐富，紅腸、魷魚、菜粒、蝦仁，撈埋炒飯一齊食，大愛！
自家辣椒油，自問我係神級辣友，無辣不歡，有辣椒油一定要試試龍定蟲啦。曉廚辣椒油夠香夠辣，仲有少許 XO 醬既影子添。撈福建炒飯、撈魚香茄子伊麵、撈金菇伊麵都非常香口，刺激又美味！就算朋友仔唔多食辣都話正，必試！
四個少男三個炒粉麵飯兩個原盅燉湯，居然食唔晒囉！Sorry Sorry！好味，但實在太飽，想食都食唔落喇。
Post
