超級掛住台灣嘅美食🇹🇼
今日就去咗食嚟咗香港已經好一段時間嘅燈籠滷味
話明食燈籠滷味梗係叫返一碗招牌滷味先啦
叫滷味嘅方法好似食緊車仔麵咁🍜
有張紙仔剔哂自己想食嘅餸 之後等上菜就可以
唔知係咪因為期望太高
食落嘅感覺係不過不失 無令人為之驚艷嘅感覺🤔
反而佢嘅鵝油香蔥雞肉滷肉飯就令人眼前一亮🤩
雞肉肥美嫩滑😍
配上香氣誘人嘅香蔥鵝油🐥
加埋份量適中嘅滷肉飯
非常推薦大家下次去試下👍🏻
另一款推介嘅芋泥肉鬆蔥抓蛋餅同樣令人回味無窮😋
芋泥香滑得來帶點甜味
肉鬆則有淡淡鹹香
蔥抓餅外脆內Q🫔
三者混合 無論口感或味道都非常豐富
複雜得嚟又非常平衡🥰
