相撲手日式放題 (Closed)

今晚約了幾位同事及朋友仔去了食晚飯，不過我們都未試過一齊食過日式放題，友人就提議去尖沙咀的「相撲手日式放題」，他們預先一早book 咗枱，順便慶祝友人的生日。是晚是閒日，成人收費是$238+10%，我們選擇了頭段6:15pm-8:15pm，地方都好寬敞，店中設有自助熱水或綠茶斟酌，取汽水也可以自助形式，有coke 、cream soda 及c+ lemon!食物方面真是好多元化，有沙律、前菜、刺身、揚物、創作壽司、一品料理、手卷、元氣料理等等.....我們一坐下來就馬上落單，先有沙律來到，千島薯蓉大蝦沙律用了新鮮蝦肉製作沙律，蝦肉都好鮮又大隻，薯蓉加上了千島沙律汁，香軟又滋味，再加上新鮮的沙律菜、車厘茄及粟米，口感豐富又開胃!一口氣點了不少刺身來食，有三文魚、馬刀貝、北寄貝、油甘魚、厚燒玉子、北海道帶子、八爪魚、吞件拿魚及鮑魚片等......隔了一會侍應把大盆的刺身拚盤放在客人枱上，各式刺身放在有大埋冰塊的大碗中，又有一些假花作裝飾，真是好豪華!相撲甜蝦起碼有七吋長的(連蝦頭)，都是好鮮甜又大隻，蝦肉更是晶瑩剔透，真是很鮮甜。三文魚刺身都算是有一定質素，魚肉柔嫩有魚油香。馬刀貝較爽口鮮