呢度嘅侍應服務態度優良，服務細心又主動，仲感覺到佢口罩下嘅笑容!
我對呢度嘅串燒都幾滿意，能嚐得出來係即叫即燒，食物新鮮。
川式麻辣香燒雞翼(兩串) $49
呢兩串雞翼燒得剛剛好，外脆內嫩，肉汁飽滿，啖啖都好juicy，不過要小心呢個麻辣都幾勁!
脆燒日本原條鰻魚 $59
$59 就有咁大份鰻魚，即燒! 肉質軟綿綿仲透著炭燒香氣!
豚肉金菇串(兩件) $48
牛肉金菇就食得多，今次試下豚肉，豚肉味道濃，燒完會比較韌!
黃金醬燒扇貝 (三隻) $88
黃金醬原來係芝士咁解，酸酸味味，好開胃!
黃金魷魚 $69
咸蛋黃魷魚! 重口味得黎係好香、魷魚新鮮爽彈!
七味薯仔片 $22
薯仔燒得岩岩好，外皮香脆，內裡保留少少爽口的鮮薯質地!
汁燒豆腐串 $25
嫩滑豆腐串都好開胃!
