點心到 (廟街)

Open Now

Now Closed

避雨，同朋友走咗入嚟呢間「點心到」食晚餐，夜晚都有點心食，幾好，而且仲有粥，龍仔蒸飯等。點咗四個點心，🍤原隻蝦燒賣$30、🥠五香鹹水角$20、🐷蜜汁叉燒腸 $25、🌱濃湯鮮竹卷$19，全部都熱騰騰送上，好正。其中我最鍾意就係燒賣，每粒燒賣上面都有一隻蝦🍤，配襯著蟹子，口感豐富，濃郁豬肉香；蜜汁叉燒腸，外皮柔軟，叉燒內餡份量都唔少。食緊嗰陣，見到餐枱紙上寫着百份百香港🇭🇰製造。🥬濃湯杞子浸時蔬$20，時菜係菜心，呢個價錢嚟講都幾大碟抵食。🦐籠仔金銀蒜海蝦飯$42，要求咗多蒜，成個籠仔上，開邊蝦食得好方便，每啖飯都食到蒜香，係我鍾意嘅味道😋。食完真係好暖胃，喺下雨天，好滿足。