一汁一菜 (中環街市) (Closed)

又到食飯時間，喺中環真係搵食艱難。周圍都要等，入餐廳要等位，買外賣要等位。公司又多嘢做，點都要食個快飯，就諗起中環街市有幾間鋪頭買外賣都唔使點排隊。天氣有啲凍就揀咗呢間有熱湯飲嘅一汁一菜。佢嘅選擇都算多，而我今日揀咗嘅就係龍蝦湯，比其他湯貴$10咁樣啦，要$49一個湯，都幾貴下，不過飲落都食有幾多龍蝦肉，個湯都幾濃味，叫做合格啦。其實一個湯又點會夠飽，所以額外加多$10要多咗個包，個餐包又幾好味，外脆內軟，用嚟點湯一流。