凱施餅店 (Closed)

一到下午時間便開始口痕痕,行去凱施睇下我鍾意的麵包糕餅,順便醫下我既口痕有好多美麗麵包在對我搔首弄姿兼發出誘惑迷人香味,令人目眩神迷剎時間唔知從何處落手!正在心大心細左右為難時,救星出現~蛋塔駕到~岩岩出爐新鮮滾熱辣~蛋塔那漲卜卜充滿光澤的黃色可愛小臉,即刻將我吸引過去~其他麵包佳麗Sorry囉~今次我已心有所屬,情定蛋塔.呵~呵~買左兩個蛋塔幫佢影完靚相後,急不及待的送入口中~岩岩出爐既酥皮咬落有D索索聲,最鍾意酥皮有小小鹹味,搭配滑嫩蛋漿真是絕配啊~蛋漿唔會太甜亦冇太多奶味唔會覺太漏,柔嫩順滑內餡加層層鬆酥皮,食完齒頰留香~新鮮出爐的蛋塔令人回味無窮~