十兄弟車仔麵 (Closed)

今日lunch買左灣仔十兄弟車仔麵外賣番office食，餸叫左玻璃魷魚，陳皮魚蛋同埋珍寶蟹柳。麵底揀左唔太常見既菠菜麵。湯底係滷水汁。菠菜麵同普通面對比更滑身有咬口，質感有d似油麵。送既話，陳皮魚蛋好入味，魷魚好爽口，但就冇乜味道。三餸埋單45蚊，同區黎講算係經濟實惠。不得不提既係店家好細心，有別於一般車仔麵檔用紙碗裝外賣。十兄弟採用既係有鋁質coating既紙碗，確保外賣送到office果陣仲係熱辣辣。