池家人煲仔飯

Open Now

Now Closed

呢間小店人氣非常高，雖然舖面唔大，但香氣已經吸引到成條街都聞到。我同朋友嚟嘅時候已經坐滿，要同其他客人搭枱，等咗足足40分鐘先入到去。落單之後仲要等大約20分鐘先有得食，但第一啖就覺得等得好值得。黃鱔煲仔飯魚香濃郁，鱔肉鮮嫩冇腥味，飯粒吸晒醬汁精華，飯焦香脆；臘腸蒸雞煲仔飯同樣出色，臘腸香甜油潤，雞肉滑嫩入味，每啖都好滿足。☺️唯一要留意嘅係，呢度好似淨係收現金同八達通，記得帶定錢先嚟。雖然等位同上菜時間都幾長，但傳統煲仔飯嘅香氣同味道，真係值得一試。另外都試咗佢哋嘅腐乳通菜都煮得幾入味😆