名苑酒家 (Closed)

蒜香雞中翼: 炸粉厚左啲，但味道幾好，加左好多蒜同少少辣粉，雞翼都幾大隻咬落啖啖肉，肉質都唔乾蠔皇流汁叉燒包: 新鮮出爐既叉燒包，一咬落去真係好熱，包鬆軟，叉燒都好多又好味原隻鮮蝦燒賣: 好足料既燒賣，蝦同燒賣一樣咁大粒，而且食落彈牙，燒賣入面有冬菇、荀令味道更豐富。准山四寶滑雞扎: 每一樣餸都吸哂汁既味，雞嫩滑又有少少脂肪食落更好味，蟹柳、魚肚、准山都好香夠味醬香鴨舌拼海蜇: 鴨舌加左麻油同辣油真係好惹味，而且只係食軟骨同皮就好似食極都唔夠咁。海蜇大條又彈牙，點埋醋食就岩岩好。燒鵝拼厚切叉燒皇瀨粉: 燒鵝同叉燒都半肥瘦，唔會韌，特別係叉燒好香蜜糖味。