楚撚記大排檔

Open Now

Now Closed

疫情過咗之後，成日都覺得夜晚出街食飯靜咗好多，但係今晚響楚撚記呢度，完完全全感受返嗰種熱鬧嘅氣氛，超正。豆漿杞子鮮腐竹浸白菜好好奇係咩味，白色嘅湯汁係超級濃嘅豆漿味，估唔到同蔬菜係咁夾。白菜清甜冇渣，腐竹都好爽口好好食。避風塘鮮魷呢度嘅避風塘真係好出色，佢嘅蒜粒除咗香脆仲係好甜，肥妹仔係之前從來未食過！魷魚好新鮮，咬落去爽口彈牙，世一。原隻脆皮炸豬手分量非常之多，個皮係非常之香脆，直頭有少少好似食緊乳豬皮嗰種感覺。豬手肉一啲都唔會過鹹，好滑。豬油撈飯第一次食，食落去好香油香味，將卡路里拋諸腦後。