Nineteen Ninety Eight (Closed)

外賣返黎，炸物熱，漢堡凍。

炸雞外皮唔係好夠脆，入面嫩同有少少肉汁；
炸魷魚圈外面有啲乾，有啲硬同痴埋一舊。
跟炸物既係一小盒打邊爐嗰啲胡麻醬，有啲稀，同炸物唔係好夾。

兩個漢堡，包冇溫度，生菜同蕃茄有少少凍，菇同炸蝦餅冇溫度。

燒烤汁芝士啡菇漢堡，除左啡菇仲有蘑菇同好似鴻禧菇咁既菇，菇既份量好多。成個包有好多汁，但啲汁凍左搞到好似好稠咁，有啲膩。

菠蘿蝦堡，包中間既炸蝦餅淋哂，而且唔夠蝦味，整體黎講某連鎖漢堡店既蝦堡仲好食而且仲抵食。