餐前麵包-點菜後先黎個餐前麵包，先試左邊既麵包，食既時候鈎返起去歐洲旅行既感覺，因為d包同歐洲既包一樣咁硬，味道一般。跟住就試隔離個塊包，當時純粹諗住唔好嘥，點知有驚喜喎，係好食個種，包冇咁硬之餘仲有少少甜味，一問之下原來係黑糖麵包…好食到一個點係我地叫左一次refill, 當然淨係refill個黑糖麵包啦!
Pasta carbonara($146)-好食，除左我本身唔喜歡食青豆外
，整體都好食，好creamy，份量都啱啱好唔太大份。
Factory burger($138) - 點burger可選跟沙律或薯條，揀左薯條，薯條熱辣辣好好食，仲要係我鐘意食既粗薯條，薯條新鮮炸出黎我覺得已經好好食，而呢個薯條又唔會落好多鹽，啱哂d健康人士。至於個burger，整體都唔錯，第一口咬落去充滿洋蔥味，加上牛既味道，令人回味，唯一扣分地方係佢個包皮係用法國麵包，可能個人口味問題 ，我嫌個包太硬了，如果轉做軟包皮，我會更喜歡。
Orea milkshake（$79) - 本身喜歡食orea但嫌佢有少少甜既朋友一定會喜歡呢個orea milkshake，而我就係其中之一啦。呢個milkshake入邊可以飲到大量orea餅，奶昔既香滑加上orea本身既味道，真係貴少少都值得叫一杯呀！
總結:餐廳環境整潔寧靜，朋友食飯傾偈就啱哂。而餐廳侍應服務唔錯，地方大但要搵佢地落餐都唔會話好難先搵到人。老實說，食物既價錢唔算平，幸食物質素整體不俗，久唔久食一餐都還可以。
