Video
Read full review
2022-06-18
113 views
終於嚟到星期五，係時候好好慰勞下自己。咁啱一班同事放工話去食燒肉，又點可以抗拒，今次就決定去經已大熱好一段時間嘅安平燒肉～望望餐牌，咁耐冇食，一食當然要揀個好啲嘅餐，二話不說大家都叫咗澳洲M5和牛吃到飽套餐。餐牌上講明一共有81款食物，豬牛雞海鮮全齊，另外仲唔少得台式地道主食、特色小食、自家製飲品。大致上試勻曬之後，有幾款真係要特別介紹吓。肉類：牛：牛舌心味道濃郁，爽彈唔韌，要注意火候；澳洲M5和牛肉質細膩，味道夠鮮嫩；牛肩胛較結實重牛味；牛小排同安平私房牛腹肉油脂感滿滿，入口即化。豬：原住民鹽燒肉肥瘦分明，燒至焦香配搭秘製蒜醋，鹹鮮中帶甜，無得頂！雞：九層塔三杯雞，驚艷級嫩滑多汁；老虎雞翼濃濃蜜糖同香料味，越食越辣，夠惹味！海鮮：屏東燒魚腹醬汁香濃，肉質鮮美；虎蝦超級大隻，新鮮啖啖肉；帆立貝好厚身極鮮甜；雞泡魚乾甜度剛好越嚼越香。小食：真係好用心，每款都好有質素。花枝餅彈牙墨魚味濃；鹽酥雞夠酥脆肉質嫩滑；梅山酥炸薯（地瓜）好軟冧香甜；鴨舌大條有肉滿滿台灣風味。另外都有幾款好推薦嘅烤物，包括豬肉乾、雞腎、豬大腸，烤完全部都好香口，又唔會有怪味或者太硬，如果有叫啤酒飲配埋真係一流！另外要
終於嚟到星期五，係時候好好慰勞下自己。咁啱一班同事放工話去食燒肉，又點可以抗拒，今次就決定去經已大熱好一段時間嘅安平燒肉～望望餐牌，咁耐冇食，一食當然要揀個好啲嘅餐，二話不說大家都叫咗澳洲M5和牛吃到飽套餐。
餐牌上講明一共有81款食物，豬牛雞海鮮全齊，另外仲唔少得台式地道主食、特色小食、自家製飲品。大致上試勻曬之後，有幾款真係要特別介紹吓。
肉類：
牛：牛舌心味道濃郁，爽彈唔韌，要注意火候；澳洲M5和牛肉質細膩，味道夠鮮嫩；牛肩胛較結實重牛味；牛小排同安平私房牛腹肉油脂感滿滿，入口即化。
豬：原住民鹽燒肉肥瘦分明，燒至焦香配搭秘製蒜醋，鹹鮮中帶甜，無得頂！
雞：九層塔三杯雞，驚艷級嫩滑多汁；老虎雞翼濃濃蜜糖同香料味，越食越辣，夠惹味！
海鮮：
屏東燒魚腹醬汁香濃，肉質鮮美；虎蝦超級大隻，新鮮啖啖肉；帆立貝好厚身極鮮甜；雞泡魚乾甜度剛好越嚼越香。
小食：
真係好用心，每款都好有質素。花枝餅彈牙墨魚味濃；鹽酥雞夠酥脆肉質嫩滑；梅山酥炸薯（地瓜）好軟冧香甜；鴨舌大條有肉滿滿台灣風味。
另外都有幾款好推薦嘅烤物，包括豬肉乾、雞腎、豬大腸，烤完全部都好香口，又唔會有怪味或者太硬，如果有叫啤酒飲配埋真係一流！
另外要讚醬料選擇多，就算係同一款肉都可以有幾種品嚐嘅方式，特別推薦來到呢度要試下安平黃金醬，係用蔬菜汁加麻醬製成，坊間食唔到嘅味道都幾特別。如果鍾意食到原汁原味，建議肉上加少少岩鹽就足夠，怕油嘅你都可以加檸檬汁或者係辣椒醬刺激下味蕾，解膩。
總括嚟講，呢個套餐真係冇改錯名，食到大家都捧住個肚走。價格驟眼睇可能有啲貴，但無論款式、質量、定係環境舒適度，都值回票價，推薦！
Post
