Video
Read full review
2020-03-17
1336 views
星期日上旺角樓上Cafe食飯，出咗嚟做嘢之後都已經好耐冇去過Cafe。今日上嚟呢度回憶下中學嘅時光。呢間Cafe係下午1:00先至開，我哋喺第一台客人。好驚喜一黎到已經可以叫下午茶餐，個價錢仲要$100都唔使，包嘢飲！老闆娘非常熱情，上菜嘅速度亦都非常快手，而質素亦都冇因為上菜速度而有任何影響。可以講呢度嘅意式芝士焗肉醬意粉（$69），絕對比得上出邊係西餐廳食嘅。面頭嘅芝士份量啱啱好，肉醬嘅牛肉調味好夠，意粉嘅軟硬度係我最鍾意嘅al dente，夠咬口。另外我地點左一款芝士忌廉雞肉飯（$79），雞肉嘅份量唔少。啲意大利飯就唔似意大利餐廳咁住得太硬，我哋中國人食開熟飯，所以呢度嘅飯啱晒我哋。小食方面點左蜜糖雞翼（$72），呢度嘅雞翼分量超多，每人有四隻，。面頭嘅調味亦都好足，蜜糖味超香，食落亦甜甜，外面無裹到啲好熱氣嘅粉漿，依然炸得脆身，我好耐冇食過咁正嘅雞翼！飲品方面我就點左Cappuccino (+$15) ，朋友就點左紅莓花茶(+$28)。咖啡濃度夠晒香濃，飲完之後精神為之一振，咖啡豆更略帶花果香，係有質素嘅咖啡。花茶方面味道酸酸美味，好易入口，朋友都好鍾意，原來仲係消滯，有豐富維
呢間Cafe係下午1:00先至開，我哋喺第一台客人。
好驚喜一黎到已經可以叫下午茶餐，個價錢仲要$100都唔使，包嘢飲！
老闆娘非常熱情，上菜嘅速度亦都非常快手，而質素亦都冇因為上菜速度而有任何影響。
可以講呢度嘅意式芝士焗肉醬意粉（$69），絕對比得上出邊係西餐廳食嘅。
芝士焗肉醬意粉
$69
30 views
0 likes
0 comments
另外我地點左一款芝士忌廉雞肉飯（$79），雞肉嘅份量唔少。
芝士忌廉雞肉飯
$79
41 views
0 likes
0 comments
小食方面點左蜜糖雞翼（$72），呢度嘅雞翼分量超多，每人有四隻，。
蜜糖雞翼
$72
24 views
0 likes
0 comments
飲品方面我就點左Cappuccino (+$15) ，朋友就點左紅莓花茶(+$28)。咖啡濃度夠晒香濃，飲完之後精神為之一振，咖啡豆更略帶花果香，係有質素嘅咖啡。花茶方面味道酸酸美味，好易入口，朋友都好鍾意，原來仲係消滯，有豐富維他命添。
我地仲加左個藍莓芝士蛋糕（$27），味道creamy，食完又唔膩，正！
總括來講呢度係令我對佢嘅印象改觀嘅地方，今日星期日，未到兩點已經差唔多全場滿座。下次有機會一定要大班人嚟啦。
Post
