Video
Read full review
2014-11-11
2053 views
上個月底，靚靚媽咪一位居美o既好友Auntie C回港旅遊，待佢休息咗個多星期後，大肥爸爸於中環五陵會設宴一席，為好友洗塵，座上客全為Auntie C之弟妹親友。晚宴前夕，碰巧係Auntie C弟弟，亦即媽咪契大佬Uncle R牛一，故契姪XO仔特意送上精美蛋糕作甜品，補祝賀壽 。早兩個月前曾經喺灣仔Sift Patisserie買過一個味道不錯，而且頗考功夫o既拿破崙蛋糕，印象非常正面。上網查核過，餅店於中環亦有分店，最近更新出咗一款芒果味蛋糕，因訂蛋糕時無需預先付款，方便得很，小肥就立刻打電話訂購。位於太子大廈二樓扶手電梯口o既Sift並無大大o既招牌，只有兩個陳列櫃及四張矮矮o既散座；店舖唔多起眼，不過就非常簡潔衛生。XO當日因工作過時，七點先趕到去攞蛋糕，足足遲咗成個鐘，幸好店內三位溫文有禮o既姐姐效率高，而且耐心客氣，細佬個心先定返落黎 。Mango Passion Cheescake（$380/lb）：此味芒果及熱情果味o既芝士蛋糕乃Sift全新推出之產品，以時興o既macarons、金箔、朱古力豆及芒果汁點綴，高雅美觀。糕底層曲奇好夠香脆，微微酸甜o既芒果同熱情果味有
早兩個月前曾經喺灣仔Sift Patisserie買過一個味道不錯，而且頗考功夫o既拿破崙蛋糕，印象非常正面。上網查核過，餅店於中環亦有分店，最近更新出咗一款芒果味蛋糕，因訂蛋糕時無需預先付款，方便得很，小肥就立刻打電話訂購。位於太子大廈二樓扶手電梯口o既Sift並無大大o既招牌，只有兩個陳列櫃及四張矮矮o既散座；店舖唔多起眼，不過就非常簡潔衛生。XO當日因工作過時，七點先趕到去攞蛋糕，足足遲咗成個鐘，幸好店內三位溫文有禮o既姐姐效率高，而且耐心客氣，細佬個心先定返落黎 。
Mango Passion Cheescake（$380/lb）：此味芒果及熱情果味o既芝士蛋糕乃Sift全新推出之產品，以時興o既macarons、金箔、朱古力豆及芒果汁點綴，高雅美觀。糕底層曲奇好夠香脆，微微酸甜o既芒果同熱情果味有消滯之效，芝士蛋糕又唔會過濃或實，整體又light又清新 。
每磅蛋糕可切出十五件如下圖般大小o既蛋糕仔，晚餐一圍剛剛好，其中幾位仲有得添，價錢絕對可以接收 ！
Post
